За болницата
Ре-Медика е првата приватна општа болница во Република Македонија. Основана е на 7 април 2005 година, по светски стандарди, за прв пат имплементирани во една општа болница на нашите простори. Со поставувањето на темелите за светски стандарди и протоколи за здравство болницата доби награда за најдобра инвестиција во Југоисточна Европа.
Денеска Ре-Медика е современа и модерна приватна болница, во која врвниот медицински тим пружа медицински услуги според најсовремените протоколи во лекувањето на пациентите. Ре-Медика е и установа во која се одвива и едукација на медицински кадар во рамките на универзитетот „Гоце Делчев“ во Штип.
Болничкиот објект е лоциран во мирниот дел на Скопје, во подножјето на парк-шумата Гази Баба, на три километри од центарот на главниот град.
Капацитет
Се простира на површина од 5.200 квадратни метри.
Ре-Медика располага со 56 болнички кревети, бројни ординации, 6 операциони сали по најсовремени стандарди, со дигитален пренос на податоци, можност за телемедицина, опрема за снимање на операциите, како и одделение за интензивна нега со 10 кревети.
Болничко сместување
Сместувањето е избор на нашите пациенти. Сите соби овозможуваат комодитет, дискреција, релаксирачка атмосфера, високи стандарди на уредување и хигиена, телевизија и интернет.
Пациентите на располагање имаат и 15 луксузни апартмани.
Хоспитализираните пациенти имаат можност за избор на храна по разновидно мени, соодветно на нивните потреби.
Врвен медицински тим
Тимот во болницата е стручен и со напредни вештини во третманот и дијагностицирањето на состојбите, секој во своите области. Неговите членови се пријатни, сочувствителни и со добар однос кон пациентите за време на престојот на одделот и надвор од него.
Ре-Медика има развиен систем на континуираната едукација, а тоа е едно од врвните начела во нашата болница.
Најсовремена медицинска опрема
Ре-Медика ги следи последните трендови во технолошкиот развој. Располагаме со врвна медицинска апаратура од светски познати производители, која овозможува прецизна дијагноза и третман на заболувањата.
Болница без болка
За Ре-Медика може да се каже дека е „болница без болка“. Се применуваат сите техники на обезболување, кај оперирани пациенти, кај родилки, кај деца. Стресот кај децата го намалуваме така што родителот е покрај него кога го заспиваме и кога го будиме.
Работно време
Болницата работи 24 часа, секој ден во неделата. Работното време на редовните амбуланти е од 9 часот до 21 часот.
Посета
Препорачано време за посета на хоспитализираните пациенти од понеделник до петок е од 16.30 до 18 часот, а во текот на викендите од 13 до 14.30 часот. Доколку не сте во можност да дојдете во посета во препорачаното време, може да нѐ информирате за тоа кое време е погодно за вас.
При посета се препорачува присуство на не повеќе од едно лице во исто време или две лица во текот на денот.
Се препорачува времетраењето на посетата да не е подолго од 15 минути.
Пред влегување во болничката соба посетителите се советуваат да стават маска за лице и да ги дезинфицираат рацете. За време на престојот во болничката соба на посетителите не им е дозволено да ја вадат маската или да седат на болничките кревети.
Забрането е внесување на храна и облека.
Во интерес на вашите блиски, доколку сте болни или имате симптоми на заразно заболување, ве молиме да не доаѓате во посета.
Аптека ДАНЕА-ФАРМ
Во рамки на првата приватна општа болница Ре-Медика се наоѓа и атпеката Данеа-Фарм. Работното време на аптеката е од 8 до 20 часот во работните денови, а од во сабота од 9 до 14 часот.
Лаборатории
Во состав на Ре-Медика функционираат биохемиска, микробиолошка и молекуларна лабораторија. Закажување за анализи не е потребно.
English