Центарот за дебелина и контрола на телесната тежина е место каде пациентите ќе можат да добијат сеопфатен пристап и целосено решение за вишокот килограми, целулит, поддржана грижа за безбедно слабеење и обликување на телото. Ќе ви помогнеме да воведете нови подобрени навики во животниот стил кои ќе обезбедат долготраен баланс на здрава телесна тежина и оптимални телесни пропорции.

Дебелината останува еден од најголемите фактори на ризик за развој на многу сериозни заболувања и тоа пред се болестите на срцето, шеќерната болест, покачените масти и атеросклерозата, заболувања на коскено-зглобиниот систем, спиечката апнеа, проблеми со неплодноста како и одредени видови на карциноми.

Со грижа за здравјето, во баланс со убавината, 9 -те Програми за слабеење се внимателно дизајнирани да пружат медицинска поддршка на пациентот, тој да се чувствува безбедно и сигурно низ целиот третман на намалување на вишокот килограми, справување со целулитот, како и со сите потешкотии со кожата кои се доста чести по значајна редукција на телесната тежина. Во овие програми се вклучени најиновативните терапии и техники за слабеење и реобликување на телото – неинвазивни, минимално-инвазивни и хируршки инвазивни оперативни интервенции кои се применуваат во реномирани европски и светски медицински центри. Целта на клиничкиот тим е преку достапноста на широката палета на третмани во сите програми и пакети да понуди комплетно решение и стручно менаџирање со дебелината, бидејќи таа можеби повеќе од било кое друго хронично нарушување, бара време, упорност и трпение низ целиот тераписки процес на слабеење.

Првите два програми – FIT SLIM и HEALTH SLIM или Лајфстајл и Метаболниот програм за слабеење во основа се базираат на корекција на исхрана и планирана физичката активност. Посебноста на овие две програми е во тоа што FIT SLIM програмата содржи два пакети кои се иделани за оние кои се без здраствени проблеми и им е потребна редукциска диета и телесна активност, додека HEALTH SLIM програмот го вклучува и лекарскиот преглед кој влева поголема сигурност и при кој се утврдува оптовареноста, односно можните ограничувања во процесот на безбедно и здраво слабеење според здраствената состојба на пациентот

Третиот или Фармакотераписки програм за слабеење – FARMA SLIM нуди 3 пакети и претставува лекување на дебелината со лекови. Трите пакети траат по три месеци, но изборот на лекот според здраствената состојба на пациентот е критериумот по кој се водеше нашиот тим во креирањето на пакетите од овој програм. Програмот е вистинска медицинска помош во грижата за здравјето и животниот стил

Гастричен балон Алурион за слабеење – GASTRO SLIM е четвртиот достапен програм во Ре- Баланс центарот и претставува 6-месечен пакет за третман во 3 фази со единствен концепт на апликација на гастричниот балон без ендоскопска интервенција ниту при пласирање ниту при отстранување на балонот од желудникот. Претставува програм кој нуди безбедна поддршка низ процесот на менување на животните навики кон подобро здравје и оптимална телесна тежина

Со особено внимание и грижа пристапивме во создавањето на Програмот за слабеење во пубертет и адолесценција / TEEN SLIM и Програмот за слабеење при потпомогнато оплодување ИВФ/ FERTI SLIM бидејќи потешкотиите кои можат да се создадат од прекумерната телесна тежина во овие периоди од животот се навистина сериозни. Вишокот килограми и телесни масти во периодот на пубертетот и адолесценцијата е еден од најголемите ризик фактори за подоцнежна појава на шеќерната болест, срцевите проблеми, неплодноста и останати хронични незаразни болести, додека во периодот на вонтелесно оплодување, вишокот на килограми со сите последици може да се и единствената пречка и ризичен фактор за успешна реализација на родителство. Двата програми се грижливо дизајнирани да обезбедат хормоналнен баланс, да пружат помош во редукција на телесната тежина, воведување на здрави животни навики и здрава исхрана како и превенција од можни компликации од дебелината.

Антиејџинг и естетски програми за слабеење и обликување на телото SKIN SLIM е програм во кој пакетите нудат докажани научни медицински неинвазивни или минимално-инвазивни терапии при лекувањето на целулитот, стриите и локализираните масни депозити како едни од најчестите состојби кои ја афектираат кожата и масно ткиво. Постигнувањето на физиолошки телесни пропорции во согласност со генетски детермираната телесна конституција, проблемот со вишокот кожа и нејзиното затегнување преку денес најсовремените методи и постапки е приоритет во СКИН СЛИМ програмата

ABDOMENO SLIM програмот за слабеење е хируршкиот инвазивен програм каде пациентот преку оперативни интервенции ја лекува дебелината. Тоа се оперативни техники кои се применуваат и се наменети за пациенти со сериозно зголемена телесна тежина и телесен индекс кој укажува на трет и четврт степен на дебелина. Професионалниот тим во овој програм е подготвен да пружи безбедност во текот на целиот процес заедно со нутритивната поддршка како значаен дел од целокупниот третман

COMBO програмот за слабеење, целулит и обликување на телото е всушност единствена можност за персонализиран и индивидуален пристап во третманот на дебелината според потребите на пациентот. Планот на лекување го креира клиничкиот тим во соработка со пациентот следејќи ја здраствената кондиција на пациентот истовремено почитувајќи ги неговите желби и можности за да се постигне одличен резултат за редукција на телесната тежина и реобликување на телото.