Медицинскиот персонал со посебно внимание ги подготвува чувствителните групи пациенти при што информирањето и прибирањето на податоци, по потреба се врши согласно законските одредби, а земањето примерок секогаш треба да биде во согласност со нивната интелектуална зрелост.

Пред вадење на крв пациентот треба да биде гладен најмалку 12 часа. Треба да се избегнува интензивна телесна активнст и алкохол, најмалку 48 часа

· Доколку се одредува липиден статус пациентот треба да биде гладен најмалку 16 часа (може да се пие вода).

· Одредување на серумско железо се врши наутро. Анализата не треба да се врши при акутна инфекција и пациентот треба да прекине со орална терапија со железо 7-10 дена пред испитувањето.

· Одредување на пролактин и кортизол се врши наутро, најдоцна 2 часа од станување

· Сите лекови и додатоци на исхраната треба да се прекинат 48 часа пред вадење на крв (тоа не се однесува на редовна терапија).

· По земањето на крв од вена (венепункција) потребно е раката да се држи исправено и цврсто да се притисне на местото на убодот, во траење од минимум 5 минути. Доколку пациентот прима антикоагулантна терапија или зема препарати кои влијаат на коагулацијата (аспирин, андол, цитрон) се притиска минимум 10 минути, за да се спречи појава на модринка (хематом).

· Пред земање на примерокот се препорачува да не се земаат лекови и препарати кои можат да влијаат на резултатите (препарати на железо, витамини, хормонска терапија, антикоагулантна терапија, диуретици, аналгетици).

· Земањето на примерок за комплетна крвна слика (еритроцити, хемоглобин, леукоцити…) е можно во тек на целиот ден

· За повеќето биохемиски анализи (анализа на гликоза, холестерол, триглицериди…) неопходно е да се зема примерок на празен стомак, барем да се поминати 10-12 часа од последниот оброк

· Не се препорачува поголема физичка активност, посебно со таа рака во текот на денот (тератана, физичка работа, кревање тежина), тек на 24 часа пред земањето на примерок, затоа што влијае на зголемување на вредноста на поедини ензими и други аналити (CK, LDH, AST, К, Mg, креатинин)

· Одредување на ниво на туморски маркери и поголемиот дел на хормони можат да се земаат примероци и истите да се анализираат независно од времето на земање крв, но препорачливо е да не се консумира храна и течности, најмалку 2-3 часа пред тоа.

· За анализите пролактин, кортизол и ACTH неопходно е мирување од 20 минути пред венепункција.

· За да се направи OGTT тест (тест за оптоварување со гликоза), на пациентот му се дава одредена количина на глукоза. Тестот се прави наутро, на гладно. Пред овој тест, и во текот на самото изведување не смее да се зема храна и пијалок, освен вода во траење од 10 -12 h. Потребно е пациентот да планира подолг престој во лабораторијата, бидејќи се зема примерок во временски интервали (од 120 до 180 минути), отткако ќе ја земе глукозата. Тестот се прави најмалку 3 дена пред менструален циклус. Тестот се работи со претходно закажување во лабораторија. Најмалку 3 дена претходно

пациентот треба да се придржува до вообичаената исхрана со внес на храна побогата со јаглени хидрати. Доколку е можно да се прекине користење на лекови и препарати, кои делуваат на метаболизмот на глукозата, но секогаш во консултација со доктор.

· За време на изведувањето на самиот тест пациентот треба да мирува, не може да јаде, пие и пуши.

· Капиларната крв се користи само кога не може да се земе венска крв и се применува само за одреден тип на лабораториски анализи.

Стручниот тим на биохемиската лабораторија е во тек на цело работно време достапен за совети и консултации со пациенти.

Биохемиските анализи не се закажуваат и можат да се извршат во кој било временски период во тек на работниот ден од 8 до 20 часот или сабота од 8 до 12 часот, доколку се работи за амбулантски пациенти.

Неопходна е лична хигиена (тоалета со топла вода и сапун), при постапка на оставање на материјал за урина.

За анализа на уринарен статус се користи првата утринска урина земена во стерилен сад. Земениот примерок урина треба во најкраток можен рок да се донесе во лабораторија, доколку не сте во можност да ја донесете веднаш во лабораторија, урината може да се стави во ладилник. Анализа на примерокот од урина треба да се направи најкасно 2 часа од неговото земање, а максимално 4 часа ако урината се чува во ладилник.

За анализи при кои се одредува 24-часовна урина (целодневна) треба да испиете 6 до 8 чаши вода (околу 1,5 литри ). Урината може да ја собирате во чисто пластично шише, бидејќи е потребна 24 часовна урина. Првата утринска урина се фрла. После оваа урина, се собираат сите примероци во текот на денот и ноќта, вклучувајќи ја и првата утринска урина после преспиената ноќ. Точно 24 часа од почетокот на собирањето и на тој начин се комплетира Вашата 24 часовна урина.