ПЗУ Ре-Медика е првата приватна општа болница во Македонија. Регистрирана е во согласност со позитивната законска регулатива на Република Македонија, a отпочната со работа во април 2005 година, во објект лоциран во населба Железара, Скопје. ПЗУ Ре-Медика е и првата општа болница во Република Македонија со сертифициран систем за управување со квалитет согласно стандардот МКС EN ISO 9001:2008 од 2008 година. Овој стандард од септември 2018 година се надогради и премина во новиот стандард ISO 9001:2015 со кој болницата се сертифицира, при што во истата година болницата воведе и нов стандард за заштита на животна средина според ISO 14001:2015, со кој исто така се сертифицира во септември 2018 година. Од 2013 година двете медицински лаборатории (за инвитро-фертилизација и дијагностичко биохемиската лабораторија), кои се ноаѓаат во скостав на болницата се акредитрани од страна на ИАРМ по МКС EN ISO 15189:2013. Во 2019 година и третата лабораторија во состав на болницата, дијагностичката микробиолошка лабораторија, се акредитира со стандардот за лаборатории МКС EN ISO 15189:2013. Секоја година сите три лаборатории редовно се реакредитираат со овој стандард, со што континуирано се потврдува високиот квалитет на здравствени услуги кои се обезбедуваат и се испорачуваат од ПЗУ Ре-Медика. Обемот на лабораториски услуги во дијагностичката микробиолошка лабораторија е збогатен со молекуларни анализи и ПСР техника за детекција на бактерии, вируси и габи, кои се акредитирани според медицинскиот стандард за лаборатории, МКС EN ISO 15189:2013. Лабораторијата за инвитро фертилизација при одделот Гинекологија и акушерство е првата лабораторија на Балканот и меѓу ретките во Европа која се акредитира со стандардот МКС EN ISO 15189:2013. Болницата работи согласно принципите и стандардот за животна средина и корпоративна одржливост, и со придобивките од имплементацијата на овие стандарди се рангира многу високо во здравствена дејност во земјата и пошироко, стекнувајќи доверба меѓу еминентните бизнис професионалци, политичари, академици и претприемачи од цела Европа.
На 1.6.2023 година во ПЗУ Ре-Медика Скопје, во соработка со Црвен крст на Град Скопје, е успешно реализирана вежбата: „Згрижување и евакуација на болни, повредени, посетители и персонал на безбедно место и прва медицинска помош во услови на земјотрес“.
ПОЛИТИКА ЗА КВАЛИТЕТ И ЖИВОТНА СРЕДИНА
ПЗУ Ре-Медика во целост ја спроведува Политиката за квалитет и животна средина, која е заснована на систем ориентиран кон принципите за унапредување на здравствените услуги преку задоволување на барањата на стандардите ISO 9001:2015 и ISO 14001:2015, очекувањата на корисниците на здравствените услуги за квалитетно, ефeктивно и ефикасно решавање на нивните потреби и проблеми, а кои се во надлежност на ПЗУ Ре-Медика.
Политиката за квалитет и животна средина, која е рамка за воспоставување и прегледување на дефинираните цели за квалитет и животна средина, периодично се прегледува и менува кога е потребно.
Основните принципи на Политиката за квалитет и животна средина, кон кои ПЗУ Ре-Медика се обврзува, се засноваат на креирање на деловен систем за квалитет насочен кон:
- Корисниците на здравствената услуга преку обезбедување на врвен квалитет на здравствена услугата со ангажирање на високостручен кадар, софистицирана дијагностичка опрема и средства за работа, во услови кои ги задоволуваат стандардите за пружање на здравствената услуга.
- Целосно намалување на потенцијалниот ризик за пациентот.
- Градење односи со корисниците на здравствена услуга со цел да се зголемат и подобрат угледот и довербата на ПЗУ Ре-Медика а со тоа и зголемувањето на учеството на пазарот за здравствени услуги.
- Создавање коректни односи со добавувачите заради исполнување на барањата за набавки на опрема и репроматеријали неопходни за реализација на високо квалитетна здравствена услуга.
- Идентификување и елиминирање на сите недостатоци кои можат да предизвикаат неповолно влијание врз работењето на болницата и целата заедница воопшто.
- Исполнување на потребите на вработените.
- Исполнување на Легислативата.
- Перманентно спроведување на стручното оспособување на вработените на сите нивоа.
- Грижа за подобрување на условите за работа, опремата како и заштита на животната средина.
- Рационално користење на енергијата, суровините и останатите природни ресурси.
- Намалување на создавањето на отпад и класифицирање на отпадните материјали според можностите за нивно рециклирање.
Сите вработени во ПЗУ Ре-Медика се запознати со Политиката за квалитет и животна средина и нивните обврски кои произлегуваат од неа.
ПЗУ Ре-Медика се обврзува да ги одржува и подобрува Системите за управување со квалитет и животна средина со што ги исполнува барањата на ISO 9001:2015 и ISO 14001:2015, а воедно ги задоволува потребите и барањата на корисниците на здравствените услуги.
Скопје
20.05.2018
Генерална директорка
Елица Јорданова
ПОЛИТИКА ЗА КВАЛИТЕТ НА ДИЈАГНОСТИЧКАТА БИОХЕМСКА, ИВФ ЛАБОРАТОРИЈА И ДИЈАГНОСТИЧКАТА МИКРОБИОЛОШКА ЛАБОРАТОРИЈА ВО ПЗУ РЕ-МЕДИКА
Менаџментот на болницата и персоналот во лабораториите се обврзува да го одржува системот за квалитет, акредитацијата, надворешните проверки и обуки кои се:
- Фокусирани кон клиентот;
- Ги исполнува применливите законски и подзаконски акти, барањата од договорите, релевантните национални и меѓународни стандарди;
- Обезбедува континуирано подобрување и ефективност на услугите кои ги обезбедува;
- Обезбедува целосно разбирање на Политиката низ сите поврзани процеси;
- Обезбедува рамка за воспоставување, ревизија и модификација на целите за квалитет
- Обезбедува годишен преглед на Политиката за континуирана одржливост.
Политиката за квалитет на лабораториите при ПЗУ Ре-Медика е во согласност со Политиката за квалитет на општата болница ПЗУ Ре-Медика и согласно барањата на МКС EN ISO 15189:2013.
Вработените во лабораториите во целост ја спроведуваат Политиката за квалитет и компетентност, која е заснована на систем ориентиран кон принципите за унапредување на лабораториските услуги преку задоволување на барањата на стандардот МКС EN ISO 15189:2013, очекувањата на корисниците на лабораториските услуги за квалитетно, ефeктивно и ефикасно решавање на нивните потреби и проблеми а кои се во надлежност на лабораториите.
Политиката за квалитет се однесува на следниот опсег:
- Биохемиско, имунолошко и хематолошко тестирање на полна крв и хуман серум.
- Асистирана репродукција и ин витро фертилизација.
- Микробиолошки анализи и тестирања.
- За дадениот опсег вработените во лабораторијата во целост изјавуваат дека ги применуваат сите лабораториски стандарди кои важат за наведените услуги;
- Сите вработени во лабораторијата кои се задолжени за реализација на испитувањата/постапките се компетентни за работата која ја вршат, се запознаени и им се достапни сите процедури во континуитет;
- Во својата работа во целост е инкорпирирана Добра професионална пракса за лабораторијата, која е во склоп на Добрата медицинска пракса која е имплементирана во болницата;
- Лабораториите кои се подизведувачи на ПЗУ Ре-Медика во целост ја исполнуваат легислативата и посебните барањата на ПЗУ Ре-Медика и истите континуирано се евалуираат;
- Нашата Политика за квалитет е во целост ориентирана кон исполнување на сите барања за квалитет на испитувањата и исполнување на легислативата;
- Политиката претставува основ за воспоставување на цели за квалитет.
Сите вработени во лабораториите при ПЗУ Ре-Медика се запознаени со Политиката за квалитет и нивните обврски кои произлегуваат од истата.
Лабораториите при ПЗУ Ре-Медика се обврзуваат да го одржуваат, преиспитуваат и подобруваат Системот за управување со квалитет и компетентност, со што ги исполнуваат барањата на МКС EN ISO 15189:2013 а воедно ги задоволуваат и барањата на корисниците на здравствени услуги.
Скопје
1.11.2018
Генерална директорка
Елица Јорданова
English