Вагиналната опуштеност долго време е недоволно пријавен проблем, главно поради општествената стигма поврзана со сексуалноста на жените. Бидејќи вагиналната опуштеност не е историски препознаена како состојба што може да се лекува, сè уште нема постојни објективни критериуми или стандардизирани прашалници за одредување на влијанието на вагиналната опуштеност врз сексуалната функција кај жените. Лекарите, исто така, почнаа да ја препознаваат вагиналната опуштеност како чест симптом кај нивните пациенти, но и како недоволно пријавен симптом.

ШТО Е ВАГИНАЛНА РЕЛАКСАЦИЈА?
Синдромот на вагинална релаксација – ВРС (VRS) е прилично вообичаена медицинска состојба опишана како губење на оптимална вагинална структура и обично се поврзува со вагинално породување и природно стареење. Повеќекратни бремености и породувањето придонесуваат за влошување на ВРС состојбата, како и почетокот на менопаузата која предизвикува пад на нивото на хормоните и вагинална атрофија. Повеќето жени го реферираат синдромот на вагинална релаксација како „лабава вагина“, жалејќи се на губење на затегнатоста на вагината, што е директно поврзано со намалување или губење на сексуалното задоволство.

Постои голем спектар на различни ВРС третмани кои опфаќаат физикални вежби и Кегелови вежби преку фармаколошки терапии (хормонски, кремови за затегнување и спрејови) до разни повеќе или помалку инвазивни хируршки процедури. Додека бихејвиоралните и фармаколошките терапии се неинвазивни и безбедни, тие имаат ограничена ефикасност. Но, од друга страна, различните хируршки процедури ветуваат многу подобар конечен резултат по цена на повисоки поврзани ризици. Хируршките процедури (вагинопластика на пр.) бараат сечење и преуредување на вагиналното и периферното ткиво со цел да се намали големината на вагиналниот канал. Операција на или блиску до чувствителното вагинално ткиво е инхерентно ризично и може да предизвика лузни, оштетување на нервите и намалена сензација, додека на пациентите им е потребен продолжен период на закрепнување. Ова е причината зошто многу клинички истражувачи сè уште испитуваат неинвазивни или минимално инвазивни методи на третман за ВРС, што би понудиле добра ефикасност во комбинација со високо ниво на безбедност и краток период на закрепнување.

НОВИ ТЕРАПИИ
Во последната деценија станаа достапни нови терапии базирани на енергетски уреди, вклучувајќи радиофреквенција, високофокусиран ултразвук и различни ласерски терапии. Овие методи се минимално инвазивни и нудат подобра ефикасност од традиционалните неинвазивни методи. Предложени се 2 различни ласерски технологии за лекување на генитоуринарните проблеми – микроаблативни фракциони (CO2) ЦО2- ласери и (Er:YAG) Ер:ЈАГ-ласери. Микроаблативниот фракционен (CO2) ЦО2-ласер работи така што создава површни зони за микроаблација на површината на мукозата – како резултат на тоа се активира одговор на заздравување, што резултира со формирање на нов колаген. Неаблативниот Ер:ЈАГ-ласер работи со создавање на брзи последователни топлински импулси кои се соединуваат и се пренесуваат подлабоко во мукозата. Брзото топлинско пулсирање резултира со затегнување на слузницата и стимулирање на формирање на нов колаген, без да се повреди површината на ткивото. Ер:ЈАГ-ласерот кој ја инкорпорира технологијата Фотона Смутх (Fotona SMOOTH) ефикасно го враќа квалитетот на ткивото, но работи на неаблативен начин, оставајќи ја површината недопрена. На овој начин, ризикот од несакани ефекти особено по повеќекратни повторени третмани, значително се намалува. Од горенаведените причини го избравме неаблативниот Ер:ЈАГ-ласер.

Што е ИнтимаЛасе®?
ИнтимаЛасе® испорачува патентирани Фотона Смутх ласерски импулси на површината на вагината и вулвата. Овие уникатни импулси се специјално дизајнирани за да произведат благ ефект на загревање кој, пак, го стимулира формирањето на нов колаген и го зајакнува ткивото, давајќи поовеќеформиран и поцврст квалитет. Се покажа дека ИнтимаЛасе® го зголемува сексуалното задоволство и позитивно влијае на севкупниот квалитет на животот кај третираните жени. Подобни пациенти вклучуваат жени со зголемена вагинална опуштеност поради породување и/или стареење. Третманот ИнтимаЛасе® има многу успех и голема стапка на задоволство на пациентите.

Како работи ИнтимаЛасе®?
– Фототермално го затегнува вагиналниот канал
– Механизмот на дејство се заснова на намалување и задебелување на сврзувачкото ткиво во вагиналниот ѕид

За повеќето пациенти, три сесии на ИнтимаЛасе® со интервал од еден месец се доволни за да се постигнат забележителни резултати. Не се потребни посебни подготовки пред операцијата или мерки на претпазливост по операцијата. Пациентите може веднаш да се вратат на нивните вообичаени секојдневни активности. Дополнителни предности на ИнтимаЛасе® се тоа што процедурата е без засеци и практично безболна, без аблација, сечење, крвавење или конци. Закрепнувањето е исклучително брзо без потреба од употреба на аналгетици или антибиотици. Најновите научни резултати јасно покажуваат забележливо подобрување на затегнатоста на вагината и сексуално задоволство. По третманот, 95 проценти од пациентките пријавуваат подобрување на сексуалното задоволство. Оцените на ефикасноста на третманите ИнтимаЛасе® се врз основа на субјективните процени на пациентите преку стандардизирани прашалници како и објективни мерења на намалување на ткивото на вагиналниот канал. Клиничките резултати докажуваат дека брзиот и лесен за изведување третман ИнтимаЛасе® е ефикасен, неинвазивен, без несакани ефекти или контраиндикации.

Закажете медицинска услуга на нашите телефони: 02 2603 100 и 072 443 200.