Почитувани родители!
Направете најсовремен молекуларен тест за генетска анализа „Интолеранција на лактоза“ со real-time PCR метод за вас и вашето новородено бебе во Дијагностичката микробиолошка лабораторија на Ре-Медика.
Лактозата е шеќер во млекото и млечните производи со висока концентрација, а се метаболизира (обработува) во организмот со помош на ензимот лактаза, (генски продукт од генот MCM6 присутен на вториот хромозом).
Што добивате со оваa анализа?
Информација за тоа каков е метаболизмот на лактоза кај вашето бебе, односно детекција на една од трите можни состојби:
- Комплетно толерантни на лактоза – синтезата и функцијата на ензимот лактаза се комплетни и метаболизирањето на лактозата е регуларно.
- Секундарна интолеранција на лактоза – намалена синтеза на ензимот лактаза, значи побавно и намалено метаболизирање на лактозата во организмот, со тоа и зголемен ризик за секундарен лактазен дефицит при други интестинални заболувања или инфекции.
- Примарна (комплетна) интолеранција на лактоза – не постои синтеза на ензимот лактаза во организмот и поради тоа не постои метаболизирање на лактозата, што предизвикува симптоми на подуеност во стомакот, болки, гасови, проблеми со столица и сл. Позната е и како конгенитална, и може да биде транзитна кај прерано родени бебиња или адултна.
Што со резултатот од оваа анализа?
Откако ќе ги добиете резултатите, вашиот педијатар ќе ве информира за секоја од наведените состојби, со препораки за најсоодветна исхрана и други корисни совети за вас и вашето бебе. Поминете го периодот со првите дигестивни промени во првите месеци од прилагодувањето на мајчиното или адаптирано млеко на најбезболен начин.